د انسان مجلې درېیمه ګڼه

پېژندنه:

جګړه د انسان له پیدایښت راپیل له بده‌مرغه تر ننه دوام لري. د جنګپوهنې له مطالعاتو ښکاري، چې ځینو جنګ د انسان په ذات کې نغښتی بللی، مانا یې دا ده، چې انسان وي، جنګ به هم وي؛ خو دا نظریات په اوسني عصر کې چندانې د منلو نه؛ حتی د دې وړ هم نه‌دي، چې توجې دې شي. که د جنګ پر وړاندې انسان هېڅ نه دي کړي دومره شوي دي، چې ملتونه ډلییز جنګونه نه کوي. انسان چې د جنګ د محوه کېدا لپاره دومره وکړي، چې د جنګ بڼه داسې واړوي، چې له انسان‌وژنې پرته وشي؛ د انسانیت لپاره تر ټولو عظیم کار دی؛ همدا د جنګ د محوه کېدا معقوله لار ده.

ایا جنګ د انسان ذاتي مسله ده؟ اروا شننه او جنګ؟ د جنګ په اړه اخلاقي او حقوقي عقاید؟ مشروع او عادلانه جنګ؟ ایا جنګ له انساني ژوند محوه کېدای شي؟ په درېیم انسان کې د جنګ په اړه مختلف عقاید او د یادو بنسټیزو پوښتنو په تړاو بحث لولئ.  

درېیم انسان به هر افغان انسان ته په زړه پوري وي، ځکه موږ اوس هم په جکړه کې ښکېل یو. د درېیم انسان بحث تر مخکینیو هغو ډېر سیستماتیک او ژور دی. پدې ګڼه کې د جګړې په اړه تر ۱۹عنوانونو لاندې تاریخي او علمي بحثونه لولئ. د ګڼې په ورستۍ برخه کې د ځینو جنګونو نقاشي شوي انځورونه هم کتلای شئ.